Әнисе кәҗә сөте эчертеп торган бала үлгән
21 яшьлек хатын табиблар сүзенә колак салмый.
Ростов өлкәсендә сабый балага анасы кәҗә һәм сыер сөте генә эчертеп торган. Бала вафат булган. Төбәк буенча Тикшерү идарәсенә сылтама белән РИА Новости шул хакта хәбәр итте.
Тикшерү версиясе буенча, Каменский районында яшәүче 21 яшьлек хатын табиблар сүзенә колак салмый. Ул 2020 елда туган баласына гел кәҗә һәм сыер сөте генә ашата. Әни кеше балага күкрәк сөте бирми.
Мондый туклану баланың яшенә туры килми. Шулай итеп сабый кызда туклыклы матдәләрне үзләштерү процессы бозыла һәм аның авырлыгы җитешми, гәүдә массасы дефициты барлыкка килә.
Сабый кызны хастаханәгә салалар, ләкин табиблар тырышлыгына карамастан, кыз вафат була. «Саксызлык аркасында үлемгә китерү» маддәсе буенча җинаять эше ачылган.