Әнисе балконда йоклатып калдырган сабый өшеп үлгән
Бу көнне Николаевск-на-Амуре шәһәрендә 15 градус чамасы салкын була.
Хабаровск өлкәсенең Николаевск-на-Амуре шәһәрендә җиде айлык бала вафат булган. Аны анасы балконда калдырган. Бу турыда НТВ каналы хәбәр итте.
Биредәге матбугат чаралары хәбәр иткәнчә, 5 гыйнварда иртә белән баланы анасы коляска белән балконга чыгарып куя. Ул сабые саф һавада йоклап алсын дип уйлый.
Аннары биш сәгатьтән соң бу хатын баласының үлгәнен абайлап ала. Бала салкында өшеп үлгән булуы ихтимал.
Синоптиклар мәгълүматы буенча, бу көнне шәһәрдә 15 градус чамасы салкын була.
«Нәни баланы үтерү» маддәсе буенча җинаять эше ачылган, дигән хәбәр бар.
