Мурат Гайсинның «Тартасы да тартасы» дигән тормышчан җыры музыкаль мәйданчыкларга чыкты.
Җырның авторлары – Оскар Усманов һәм Илһам Фазыйлов.
Тамашачылар тирән мәгънәле, эчтәлекле җырны яратып кабул итүләре турында комментарийларда язган.
«Нинди тирән эчтәлекле матур җыр», «Сүзләрен иҗат итүче, көен язучы һәм башкаручысы да – бер дулкында. Шуның өчен дә җыр күңел кылларын тибрәтеп, йөрәккә май, сихәт була», – дип хис-кичерешләре белән уртаклашкан җырны тыңлаучылар.
«Сезгә иҗат уңышлары, бер җигелгән тормыш арбагызны сау-сәламәт булып, пар канатларыгыз каерылмыйча, бәхет-шатлыкка төренеп тартырга язсын», – дип теләгән җырчының иҗатын яратучы.
