Кайсыбер ризыкларны салкын килеш ашамау хәерле. Бу турыда киңәшләр сайтында язылган.
Майда кыздырылган әйберләр – балык, ботка, яшелчәләр бары тик бүлмә температурасында булганда ашалырга тиеш. Әгәр ризык салкын булса, майлар кеше организмында таркала алмый. Шуңа күрә ашказанында дискомфорт барлыкка килә. Ак ит – балык, тавык суынса, алар ашказанында эшкәртелми. Алар шунда ук эчәклеккә китә, аксым үзләштерелми кала.
Кызыл ит – сарык итеннән пешерелгән ризыклар кайнар килеш тә бик авыр үзләштерелә, ә ит суынса, ул бөтенләй диярлек эшкәртелми. Суынган ит кисәге нечкә эчәклеккә бактерияләре белән бергә үтеп керә. Шуңа күрә тукымалар бик озак эшкәртелә, ашказаны-эчәклек тракты эшчәнлеге кыенлаша. Ризыклар чери башлый һәм зарарлы газлар бүленеп чыга.
Ашлар күбесенчә ит шулпасында пешерелә, итсез аш булса да – аларда яшелчәләрдән кыздырылган әйберләр була. Суынган аш – организм өчен бик авыр эшкәртелә торган ризык. Хайван аксымнары файдалы компонентларын тулысынча биреп бетерми. Шуңа күрә кешенең авырлыгы арта.
Салкын һәм җылы ризыкларны бергә ашамау хәерле, диелә хәбәрдә.