Нинди ризыклар югары кан басымын төшерергә ярдәм итә?
Белгечләр күбрәк җиләк-җимеш, яшелчә, сөт ризыкларга ашарга киңәш итә.
Югары кан басымы - һәр өченче олы кешегә хас күренеш. Бөекбритания табиблары югары кан басымын төшерергә ярдәм итә торган ризыкларны атады, дип яза РИА Новости.
Белгечләр күбрәк җиләк-җимеш, яшелчә, сөт ризыклары ашарга, сөт эчәргә киңәш итә. Шулай ук эре бөртекле оннан ясалган макароннар сайларга кирәк. Аксым чыганагы буларак ит, балык, йомырка һәм кузаклы ризыклар файдалану яхшы. Шикәре күп булган ризык һәм эчемлекләрдән баш тарту яхшы.
Әгәр кешенең кан басымы күп күләмдә май куллану аркасында күтәрелә икән, бу ризыкны башкага алмаштырырга кирәк.
«Туендырылмаган майлар (зәйтүн, рапс майлары, миндаль, кешью чикләвеге һәм авокадо) яки туендырылган майлар (көнбагыш мае, әстерхан чикләвеге, көнбагыш төшләре һәм майлы балык) сайлау дөресрәк булыр», — дип белдерә табиблар.
Табиблар тозны да әзрәк кулланырга, аны натураль тәмләткечләр һәм ароматизаторлар салынмаган соусларга алмаштырырга киңәш итә.