АиФ соравына юрист Ангелина Малышева җавап бирә.
– Көннәр артуга карамастан, атнага эш сәгатьләре Хезмәт кодексының 91 маддәсендә каралган 40 сәгатьтән артырга тиеш түгел. Дүшәмбедән җомгага кадәр 7 (төшке ялны исәпкә алмыйча) сәгать, шимбә 5 сәгать эшләргә тиеш булып чыгалар.
– Алты көнлек эш атнасы кертелергә мөмкинме?
– Мөмкин. Мондый мөмкинлек Хезмәт кодексының 100 маддәсендә каралган. Бу бөтен коллективка да, берәр подразделениегә, яки хәтта аерым хезмәткәрләр өчен дә кертелергә мөмкин. Әмма бу оешмадагы кирәклек, хезмәткәрнең бу эш өчен кирәклеге, технологик сәбәпләр белән аңлатылырга тиеш.
Кеше 5 көнлек эш атнасына алына һәм инде аннан соң аның эш көннәрен арттырырга кирәк була икән, ул кеше, ике ай алдан, шушы сәбәпләрне күрсәтеп, язмача кисәтелергә тиеш. Риза булса, аның белән яңа хезмәт килешүе төзелә. Кемдер риза түгел икән, җитәкчелек аның белән хезмәт килешүен өзә ала.
Авария сәбәпләрен юкка чыгару, бәхетсезлек очракларын булдырмау, хезмәт урынындагы милеккә зыян китермәү максатыннан, ниндидер аерым очракларда, хезмәткәрнең рөхсәтеннән башка гына да аны алтынчы көнне эшкә чыгарырга мөмкиннәр. Әйтик, гадәттән тыш хәлләр, янгын, су басу һ.б.