Нинди колакчыннар ишетү сәләтенә зыян салырга мөмкин?
Хәзер модада булган уңайлы вкладыш-колакчыннар ишетү сәләте өчен куркыныч булырга мөмкин.
Колакчыннар — музыка тыңлау өчен куркынычсыз җайланма. Әмма аларны эшләү өчен шактый суммада акча тоткан, танылган брендларның продукцияләре генә сыйфатлы була ала. Бу хакта СПУТНИК маркетплейсының бизнес үсеше буенча вице-президенты, iMARS коммуникация группасының вице-президенты Владимир Нерюевка сылтама белән РИА Новости яза.
«Билгеле булмаган, Кытай аналогларыннан яхшы яңгыраш көтәргә кирәкми — колакчыннардагы арзанлы элементлар тавышның күп төрле төсмерләрен ишеттерергә сәләтле түгел, димәк сез вакыт-вакыт төрле кыштырдау, чыжылдаган, чатнаган тавышлар ишетәчәксез», — диде эксперт.
Шулай ук тавыш сыйфаты ишетү сәләтенә тискәре йогынты ясарга сәләтле түгел. Ә менә көчле тавыш тәэсир итәргә мөмкин. Тирә-яктагы, мәсәлән җәмәгать транспортындагы тавышларны ишетмәс өчен музыканың тавышын ачарга ярамый. Бу хәлне катлауландыра гына», — дип киңәш итте ул.
Хәзер модада булган уңайлы вкладыш-колакчыннар да ишетү сәләте өчен куркыныч булырга мөмкин.
«Колак каналына тирән кереп, алар тавышлары уртача гына ачылганда да эчке колакка бик нык басым ясый», — дип кисәтә Нерюев.
Иң яхшысы тавышны баса торган колакчыннар сайларга кирәк. Дөрес кулланганда аларның зыяны юк һәм алар оптималь тавыш бирә.