Нинди хайваннарның сөте алсу төсле була?
Зебра сөте бик туклыклы һәм ул бик кыйммәт тора, аны табу да бик катлаулы.
Зебралар һәм бегемотларның балаларына имезә торган сөте алсу төстә була. Моның сәбәбе фактлар сайтында язылган.
Бегемот — саваннада яшәүче иң куркыныч ерткыч булып санала. Ул бик эссе шартларда яши, нык тирли. Бегемотның тиресе кызыл төстә. Ул кызыл пигмент гиппосудор кислотасы аркасында була. Әлеге кислота аминокислоталар метаболиты булып тора һәм ультрашәмәхә нурланышны йота. Шулай итеп бегемотның тиресе кояштан саклый торган крем вазифасын башкара. Ана бегемотның сөте ак төсле була. Тик аңа кызыл пигмент кушыла һәм сөт алсу төскә керә.
Зебраның сөте дә алсу төстә була. Ул бернинди пигмент белән дә кушылмый, ул чыннан да алсу. Зебраның сөтендә шикәрләр һәм аксымнар гаҗәеп зур концентрациядә булу сәбәпле, сөт алсу төскә керә. Зебра баласы башка имезүчеләрнекенә караганда күпкә туклыклырак сөт эчеп үсә.
Африкада зебра сөтенең бәясе бик кыйммәт тора, аны зур акчаларга гына саталар. Бу хайванны өйдә асрап булмау сәбәпле, зебра сөтен табу да бик катлаулы, диелә хәбәрдә.