Нинди гадәтләр иммунитетны какшата?

Иммун системасының төп дошманнарының берсе — тәмәке тарту. Чөнки тәмәке төтене бронхлардагы «керфекләрне» зарарлый һәм бу үпкәләрдәге токсик матдәләрне юкка чыгаруга комачаулый. Даими рәвештә алкоголь куллану да, микробларга каршы тору үзлеген киметә. Бу хакта «Российская газета» яза.

Шулай ук белгечләр зәгыйфь иммунитет белән яланаяк йөрү арасында да бәйләнеш тапкан. Аякларның гел салкын булуы, кан йөреше начар булу турында сөйли. Ә бу зарарлы микроорганизмнарга үрчү өчен ирек бирә.

Моннан тыш, соң йокларга яту, даими стресслардан арынырга теләмәү һәм югары калорияле ризыклар ашау да иммун системасына начар йогынты ясый.

Калорияле ризыкларны организм еш кына инфекция дип кабул итә. Нәтиҗәдә, даими йөкләнешләр аркасында иммун системасы вакыт узу белән «какшый».