Нинди дарулар инфаркт һәм инсульт китереп чыгара?
Табиб Мясников тел астына куя торган даруларны эчкәндә сак булырга куша.
Табиб Александр Мясников «О самом главном» тапшыруында тел астына сала торган даруларның куркынычы турында аңлатты.
Аның сүзләренчә, кан басымын төшерү өчен тел астына гына сала торган даруларның инфаркт һәм инсульт китереп чыгаруы ихтимал.
«Кан басымын кисәк кенә төшермәгез. Сездә криз икән, тел астына сала торган бер дару да эчәргә ярамый. Ашыгыч ярдәм дә, сез үзегез дә моны эшләргә тиеш түгел», — ди ул.
Мясников сүзләренчә, мондый даруларны үз белдегең белән эчү, йөрәкнең коронар тамырларында перфузион басым кимү сәбәпле, инфаркт, инсульт яки кискен бөер җитешсезлеге китереп чыгарырга мөмкин.