Табиб Нина Зубова кеше тәненнән ис килү нәрсә аңлатуын әйткән. Аммиак исе бавыр һәм бөерләр белән проблемалар булуын сөйли. Чөнки бу органнар организмнан аммиакны утильләштерү һәм чыгару өчен җавап бирә. Бу турыда «Челнинские известия» хәбәр итте.
Шикәр авыруы булганда тәннән ацетон исе килә. Бу очракта организмга инсулин җитми, шулай ук глюкоза микъдары бик нык артуын да аңлатырга мөмкин.
Кешедән балык исе килсә, матдәләр алмашы бозылган булуы ихтимал.
«Картлык» исе гормональ тайпылышлар булуы турында сөйли, диелә хәбәрдә.
Тычкан исе яки сасып яткан ис килсә, фенилкетонурия булырга мөмкин. Бу – фенилаланин дигән матдәне таркату өчен фермент бүлеп чыгару мөмкинлеге булмаудан килеп чыга. Фенилаланин йомыркада, тавык һәм сыер итендә, сөттә була, диелә.