Нинди авырулар булганда көнбагыш ашарга ярамый?
Табиб көнбагыш орлыкларында калория күп булуын әйтте.
Тиешле күләмдә көнбагыш ашау сәламәтлеккә уңай йогынты ясарга һәм картаюдан сакларга мөмкин. Бу хакта табиб-диетолог Тамара Прунцевага сылтама белән Известия яза.
«Көнбагыш орлыклары ашарга киңәш итәм. Чөнки анда күп күләмдә Е витамины бар. Ул матурлык өчен кирәк, тире, чәч һәм тырнакларның торышын яхшырта», — диде ул.
Моннан тыш, көнбагыш сөяк тукымасын сакларга да ярдәм итә, чөнки аның составында бакыр бар, диде диетолог.
Шулай да, ул көнбагыш орлыкларында калориянең күп булуын әйтте. Аларда кимендә 600 калория бар, шуңа күрә артык авырлыгы булган кешеләргә көнбагышны чамалап кына ашарга кирәк.
Көнбагышны панкреатит һәм Вильсон–Коновалов авыруы (организмда бакыр метаболизмы бозылу) вакытында ашарга ярамый.