Никахсыз бала тапкан өчен, әнисе кызын үтергән

Кыргызстанда 47 яшьлек хатынны 24 яшьлек улы белән бергәләп кызын үтерүдә гаеплиләр. Бу турыда РЕН ТВ каналы хәбәр итте.

Кызның мәетен 2 июльдә елга буенда тапканнар. Ул биредә ун көн чамасы яткан булуы ихтимал.

Полиция хезмәткәрләре бу кызның әнисен һәм абыйсын кулга алганнар. Тикшерүчеләр кызны шулар үтереп, мәетене елгага ыргыткан дип шикләнә.

Бу кыз никахсыз бала тапкан һәм туганнары аны шуның өчен үтергән, дип фаразлыйлар.