«Ник алай арзан?» Илсөя Бәдретдинова Инстаграмын 10 миллион сумга сата
Җырчының аккаунтында 257 мең укучы бар.
Илсөя Бәдретдинова Инстаграм аккаунтын 10 миллион сумга сатуы турында язган.
«Башка инстаграмда теркәлмиячәкмен!!! Үз -үзләрен азаплап мине карап утыручылар өчен менә дигән яңалык. Җыелышыгыз», — дип язган ул.
Илсөянең бу яңалыгына күрә шигырь дә язганнар:
«Инстамирда битен сата
Ядкаровна Илсөя,
Шул акчага алмакчы ул
Егерме биш «Neksia»
Егерме биш Нексияне
Айгыр итеп җигәм ди,
Әле өстәп авылга да
Шулай кайтып киләм, ди.
Илсөяне күптән беләм
Сатам дигәч, сатар ул.
Үз сүзендә нык торучы
Конкретный хатын ул!» — дип язган Айдар Тимербаев.
«Сатсаң сат инде».
«Сатма. Андый гына акча күргәнең бар».
«Ник алай арзан?»
«Илсөя бәгырем, айныдыңмы инде?»
«Сез диваннар сата идегез бугай?» — дип яза дуслары.