![Ничә кыз бала тудырып тәрбияләгән кешенең җәннәттә урыны бар?](https://intertat.tatar/resize/shd/images/uploads/news/2024/7/10/ed5eb6f7c17383dd676a9f844c21e4a3.jpg)
Казанның «Болгар» мәчете телеграм-каналында әйтелгәнчә, Пәйгамбәребез Мөхәммәд салләллааһү галәйһиссәләм: «Балаларыгызга кадер-хөрмәт күрсәтегез, аларны асыл кешеләр итеп тәрбияләгез», – дип әйткән.
Шулай ук: «Кеше 3 кыз бала тудырып тәрбияләсә, аларны тормышка чыгарса һәм аларга игелек кылуны дәвам итсә, ул кешенең җәннәттә урыны бар», – дигән.
Гаиләнең дәвамы – балалар. Милләтнең киләчәге дә – балаларда. Алар булмаса, милләтнең тамыры өзелә, һәм ул җир йөзеннән югала.
Пәйгамбәр Мөхәммәд галәйһиссәләм: «Һичбер ата баласына затлы әдәп һәм тәрбиядән башка файдалырак нәрсә бирә алмас», – дип әйткән. Кешедә булырга тиешле иң зур байлык – тәрбия һәм әхлак гүзәллеге, диелә бу хәбәрдә.