Кисәк суыту һәм көчле салкыннар килү сәбәпле, Татарстан мәктәпләренең күбесендә кышкы каникул 2 көнгә озынайтылды. Бу – язгы каникул хисабына эшләнә. Бу турыда Татарстан Мәгариф һәм фән министрлыгы хәбәр итте.
Министрлык дәресләр булмый торган температураларны атады.
- – 23 градуста авыл мәктәпләрендә башлангыч сыйныфлар,
- – 25 градуста шәһәр мәктәпләренең башлангыч сыйныфлары һәм авыл мәктәпләренең 5-9 сыйныфлары,
- – 27 градуста шәһәр мәктәпләренең 5-9 сыйныфлары,
- – 30 градуста авыл мәктәпләренең 10-11 сыйныфлары,
- – 32 градуста шәһәр мәктәпләренең 10-11 сыйныфлары мәктәпкә укырга бармый.
Шулай ук температура – 25 градустан түбән булса, балаларны мәктәп автобусларында йөртми торырга киңәш ителә.