Эндокринолог Елена Губкина сүзләренчә, кешенең баллы ризык ашыйсы килә башласа, димәк, организмда микроэлементлар җитешмәве ихтимал. Тозлы ризыкка тартылсаң – сыеклык җитешмәве мөмкин. Бу турыда «Челнинские известия» яза.
Әгәр кеше сыеклыкны аз эчсә, организм дым микъдарын тулыландырырга тырыша һәм тозлы әйбер ашап кую кирәклеге турында сигналлар бирә башлый. Чөнки тоз куллану автомат рәвештә сусау хисе тудыра.
Губкина сүзләренчә, кеше бер тәүлектә авырлыгының 1 килограммына карата кимендә 30 миллилитр сыеклык эчәргә тиеш, диелә хәбәрдә.
