Ни сәбәпле кеше ипине кер юа торган машинага сала, акчаны духовкага куя?
Деменция чире вакытында кеше предметларны танымый башлый.
Деменция авыруы булган кешеләр проблеманы аңлап бетерә алмый, алар шундый авыру белән чирләвен дә белештермәскә мөмкин. Деменциянең башлангыч стадиясендә барлыкка килгән билгеләрне якыннары абайлап ала. Кеше өйдәге әйберләрне бөтенләй көтелмәгән урынга куя башлый. Бу турыда Медикфорумга сылтама белән «Челнинские известия» яза.
Деменция чире вакытында кеше предметларны танып бетерми. Шуңа күрә ул ипине кер юа торган машинага сала, акчаны духовкага тыгып куя, савыт-саба юа торган сыеклыкны суыткычка куя.
Аннары алар әйберләрен таба алмый, кешеләрдән шикләнә, туганнарын һәм опекуннарын караклыкта гаепли. Шулай ук алар бик еш кына мошенникларның корбаны була. Авыру туганнарыгызны намуссыз кешеләрдән сакларга кирәк, диелә хәбәрдә.