Ни сәбәпле хатын-кызлар озаграк яши?
Хатын-кызның ирләрдән озаграк яшәве аларның аек тормыш рәвеше алып баруы белән түгел, генетика белән бәйле. РИА Новости, Aging Cell журналына сылтама белән, шул хакта яза.
Бөтендөнья сәламәтлек саклау оешмасы мәгълүматлары буенча,кешенең уртача гомер озынлыгы - 71 ел. Африканың иң ярлы илләрендә дә, Европаның бай дәүләтләрендә дә хатын-кызлар ирләрдән озаграк яши. Мода кадәр моның сәбәпләре дип ирләрнең куркыныч яратуын, исерткеч эчемлекләрне күбрәк куллануын, тәмәке тартуын, наркотиклар куллануын, күп ашавын атыйлар иде.
Калифорния университетыннан Дена Дубал әйтүенчә, хатын-кызларның озак яшәве табигать тарафыннан бирелгән күрсәткеч. Бу хатын-кызларга балаларын, оныкларын озаграк вакыт тәрбияләргә мөмкинлек бирә.
Ул хатын-кызлар һәм ирләрнең яшь аермасы организм барлыкка килгән вакытта ук билгеләнә дигән фикердә.
Билгеле булганча, хромосомалар ике төрле. Y-хромосомасы "ирләрнеке" булып санала. X хромосома - хатын-кызларныкы. Хатын-кызларның хромосомалары - XX, ирләрнеке XY.
Ирләрнең X хромосомасы тормыш өчен әһәмиятле геннарны сакламый диярлек икәнлеге ачыкланган. Ә менә хатын-кызларның X-хромосомасы тормыш өчен бик әһәмиятле, аңа үзгәреш керү ир кеше организмы өчен дә, хатын-кыз организмы өчен дә куркыныч.
Лабораториядәге хайваннарның хромосомаларына үзгәреш кертү юлы белән, ана җенестәге җан ияләренең генетик яктан ныграк булуы исбатланган.