50 яшьтән соң күпчелек хатын-кызларның корсагы зурая башлый. Табиб-диетолог, эндокринолог Виктория Садовская моның сәбәбен аңлаткан. Бу турыда «Челнинские известия» яза.
Күп хатын-кызлар 50 яшьтән соң корсак тирәсендә «алъяпкыч» барлыкка килү, бил киңәю сизә башлый. Менопауза башлангач, эстрогеннар – хатын-кыз җенес гормоннары микъдары кими, кан басымы күтәрелү, тән кызышу сизелә. 50 яшьтән узган хатын-кызларның гормональ үзгәрешләре корсак үсүгә, бу урында «алъяпкыч» барлыкка килүгә китерергә мөмкин, ди белгеч.
Шулай ук олыгая башлагач, хатын-кызларның күбесе физик активлыгын да киметә. Гормональ үзгәрешләр булганда мондый гиподинамия корсак үсү, симерүне көчәйтә генә.
Корсак үсүне профилактикалау өчен, даими рәвештә корпусны ныгыта торган күнегүләр ясарга, физик активлык булдырырга, көндәлек рационда углеводлар күләмен тикшереп торырга, төз булырга тырышырга кирәк, диелә хәбәрдә.