Сидек куыгында яман шеш ешрак ир-атларда очрый, чөнки ген мутацияләре аларда күбрәк күзәтелә. Барселонада биомедицина өлкәсендәге тикшеренүләр институты галимнәре шундый фикергә килгән. Бу хакта «Аргументы и Факты» яза.
Эксперимент барышында галимнәр 45 пациентның сидек куыгы үрнәкләрен анализлаган. Алар сирәк мутацияләрне ачыклый ала торган югары сизгерле тикшерү ысулын кулланган.
«Без беренче тапкыр биологик җенеснең процесска турыдан-туры йогынты ясавын күрдек. Шунысын билгеләп үтү мөһим, сидек куыгы яман шеше вакытында RBM10 һәм CDKN1Aдагы мутацияләр хатын-кызларда түгел, ә ир-атларда киң таралган», – дип сөйләгән биомедицина өлкәсендә тикшеренүләр институтының фәнни хезмәткәре Абель Гонсалес-Перес.
Аның сүзләренчә, 55 яшьтән өлкәнрәк яшьтәге һәм тәмәке тарткан донорлар арасында күзәнәкләрдә картаюны булдырмаска мөмкинлек бирә торган TERT промоторында, ДНК элементында мутацияләр ешрак күзәтелгән, диелә хәбәрдә.