Метрода кояштан саклый торган күзлекләрне кияргә ярамый, чөнки кара линзалар күзләрне киеренкеләндерә. Бу хакта РИА Новости агентлыгына Сәламәтлек саклау департаментының Филатов исемендәге 15нче номерлы хастаханәнең офтальмология бүлеге мөдире Татьяна Елисеева сөйләде.
«Кояштан саклый торган күзлекләрне җәй көне генә киясе түгел. Кышын да, кояш бик актив булмаса да, кара линзалы күзлек кияргә була. Кышын да зарарлы ультрашәмәхә кояш нурларыннан сакланырга кирәк», - диде табиб.
Кояштан саклый торган күзлекләрне караңгы бинада, метрода салып тору киңәш ителә. Якты урыннан караңгы җиргә күчкәч, күзләр начаррак күрә башлый, шунлыктан күзләргә авырлык килә. Мондый киеренкелекне булдырмас өчен, метрода яисә караңгы бүлмәләрдә кояштан саклый торган күзлекләрне салып торырга киңәш ителә, ди табиб.