Бакчада үзең үстергән кыярның эче кайчакта куыш була. Моның сәбәпләре киңәшләр сайтында язылган.
Кыярның 90 проценты су була. Шуңа күрә аңа суны вакытында һәм тиешле күләмдә сибәргә кирәк. Бу – көн аралаш дигән сүз, коры вакытта көн саен сибәргә ярый, тик артыкка китмәсен. Суны иртән яки кичен сибәләр.
Кыярга ашлама да кирәк. Ул азот, фосфор, калий һәм кальцийга мохтаҗ була. Кыярга азот җитсә, калий җитеп бетмәсә – эче куышлана.
Кыярны вакытында җыярга кирәк. Түтәлдә озак торса да, аның эче бозыла. Кыярны 2-3 көнгә бер тапкыр җыялар, диелә хәбәрдә.