Киви җимешенең «йонлач» булу сәбәбе фактлар сайтында язылган.
Йонлач өслек кивига корудан саклану өчен кирәк. Аның кабыгы өслегендәге вак төкләр җимештән суның парга әверелүен киметә. Киви бик аз дымлы урыннарда үскәнгә, бу сәләт аның өчен бик мөһим.
Моннан тыш, йонлач өслек кивины зарарлы бөҗәкләрдән саклый. Төкләр арасыннан бөҗәкләр җимешнең йомшак өлешенә узып керә алмый.
Эволюция вакытында менә шундый өстенлекләр үсемлеккә исән калырга ярдәм итә. Йонлачлык көчле кояш нурларыннан, артык җылынудан да саклый.
Кивиның төрле сортлары бар, кайсыберләре йонлачрак, кайсыберләренең төкләре азрак була. Әле бөтенләй шома өслекле киви да бар, диелә хәбәрдә.
