Табиб-невролог Евгений Ковалевский сүзләренчә, ашаганда телевизор карау, телефонда яңалыклар тасмасын караштыру сәламәтлек өчен зыянлы. Бу турыда Медикфорум яза.
Баш миенең кабыгында азык үзәге бар – ашаган чакта ризыкны күрү генә түгел, ис тою, тәм тоюны да «тоташтыру» кирәк. Шул очракта гына гипоталамуста ачлык үзәге активлаша, диелә бу хәбәрдә.
Невролог сүзләренчә, баш мие бер мәсьәләне максималь нәтиҗәле итеп эшли ала, әгәр ашаганда телевизор карасаң, ашкайнату процессыннан тапшыру караганда барлыкка килгән хисләргә күчәргә кирәк була. Моннан тыш, тапшырулар кешене борчый, кыска вакытлы стресс та китереп чыгарырга мөмкин, ә стресс белән ризыкны эшкәртү процессы үзара берничек тә «килешә» алмый.
Невролог тыныч кына, аңлап ашарга киңәш итә, ашауны башка эшләр өчен фон итеп кенә калдырмагыз, дип аңлата.