Әни кеше улын кыйнап ташлаган, өйгә ут төрткән
15 яшьлек улы ананы авыл буйлап эзләп йөргән.
Башкортстанның Баймак районында булган вакыйга турында «Башинформ» агентлыгы хәбәр итте.
33 яшьлек хатын танышлары белән очрашып, эчеп утырган. Бу хатын өйгә соң гына кайткан. Аны авыл буйлап 15 яшьлек улы эзләп йөргән.
Бу вакытта 12 яшьлек кече улы өйдә йоклап яткан. Ана кайтып, ишекне эчтән бикләп куйган. Талаш чыгарган. Олы улын өйгә кертмәгән.
Шуннан соң, бу хатын кече улын кыйнап ташлаган, пәрдәләргә ут төрткән.
Олы малай энесен коткарырга дип, ишекне ватып кергән.
Балалар икесе дә әниләреннән күршеләргә кереп качкан.
33 яшьлек ананы полициягә алып киткәннәр.