Ни өчен юганнан соң тастымаллар һәм сөлгеләр исләнә?
Сөлгеләрне җилләтелә торган урында киптерергә кирәк.
Юганнан соң сөлгеләр сасыган очракны күпләр беләдер. Моның сәбәпләре киңәшләр сайтында чыкты.
Озак юмый торсаң, тукыма җепселләре арасында бактерияләр үрчеп, кер машинасында югач та калырга мөмкин. Менә шул сөлгене сасыта.
Тән тиресендәге майда олеин кислотасы була. Кислота тукыма эченә үтеп керә, шунда оксидлаша һәм таркала. Бу матдә тастымалларга, сөлгеләргә сасы ис бирә, күптән юылмаган урын-җир җәймәләрдә дә шундый сасы ис була. Мондый әйберләрне өч көнгә бер тапкыр юарга кирәк.
Дөрес итеп киптермәсәң дә сөлгеләр сасый. Бүлмәдә дымлылык зур булса, сөлгеләрдә күгәрек исе була.