Россия Президентының матбугат сәркатибе Дмитрий Песков журналистлар белән очрашуда Владимир Путинның ни өчен генерал булмавын әйткән. Бу турыда РИА Новости хәбәр итте.
Песков сүзләренчә, дәүләт башлыгы «бу исемгә күп тапкыр лаек та булгандыр», ләкин хәзер бу өстенлекле мәсьәлә түгел.
«Ул президент булып эшли. Ул кадрдагы офицер түгел», — ди Кремль вәкиле.
Песков сүзләренчә, Путин ил белән көн саен идарә итүгә кагылышлы башка мәсьәләләр белән шөгыльләнә.
Путин отставкадамы, әллә запастамы дигән сорауга Песков ачыклык кертә алмаган. «Ул запаста иде бугай», — дигән ул.
Брифингта ачыкланганча, Песков үзе өлкән лейтенант чинында икән.
