«Ниһаять, боз ватылды» - Ләйлә Лерон кияүгә чыкты
Татар язучысы, шагыйрь Ләбиб Леронның кызы Ләйлә кияүгә чыкты.
Блогер, «Татарча цитаталар. Мемлар», «Едактор жруналист» аккаунтларының авторы Ләйлә Лерон сөйгәне Константин Бахмутов белән 10 март туйларын билгеләп үтте. Инстачылар әлеге парның мәхәббәтләрен күптәннән күзәтеп бара, Константинның Ләйлә өчен татарча сөйләшергә өйрәнүен дә беләбез.
«Дуслар, безне котлыйсыгыз килсә, хайваннарга ярдәм итегез әле. Акчаларыгызны аларга ярдәм итү өчен тотсагыз, без бик шат булырбыз», — дип язган Ләйлә үзенең Инстаграм битендә.
Инстачылар да бу хәбәргә ихластан сөенеп, җылы теләкләрен яудырганнар.
«Булган бу!», «Вәт сөенеч бу! Хәерле сәгатьтә», «Котлыйбыз! Бәхетегез гомерлек булсын!», «Тормышны ярата белүче, бер-берсенә бәхет өләшүче пар! Бәхетле булыгыз!», «Ниһаять, бу боз ватылды», — дип язган алар.