Непалда су басу нәтиҗәсендә 538 кеше һәлак булган. Тагын 977 кеше хәбәрсез югалган, дип хәбәр итә ТАСС.
26 август иртәсендә илнең төньяк районнарында тау ташлары ишелеп төшү сәбәпле, Лхенде елгасының үзәне тыгылган. Нәтиҗәдә, юлында очраган бар нәрсәне агызып киткән көчле ташкын барлыкка килгән.
«538 кешенең мәете табылды, 977 кеше хәбәрсез югалган дип санала», – диелә җирле хакимиятнең соңгы мәгълүматында.
Шулай ук табигый бәла-казадан 73 кеше зыян күрүе, 3742 кеше коткарылуы билгеле. Эзләү-коткару эшләрендә якынча 15 мең кеше катнаша, дип яза «Татар-информ».