Май ахыры – нарат күркәләреннән тәмле һәм файдалы кайнатма әзерләү өчен иң кулай вакыт. Бу вакытта күркәләр яшь, яшел һәм, иң мөһиме, йомшак була. Рецептны бакчачы Гузель Низаева тәкъдим иткән. «Челнинские известия» шул хакта яза.
Кирәк:
- Нарат күркәләре – 800-1000 г, шикәр комы – 1,5 кг, су – 1,5 л.
Әзерләү:
Күркәләрне чистартып, савытка салыгыз, су өстәгез, кайнатып чыгарыгыз һәм талгын утта 5-7 минут кайнатыгыз. Шикәр комын салып, болгатыгыз һәм 15-20 минут кайнатыгыз.
Утны сүндерегез һәм кайнатманы 1 тәүлек буе төнәтергә калдырыгыз.
Икенче көнне күркәләрне яңадан кайнатып чыгарыгыз һәм 15 минут кайнатыгыз.
Утны сүндерегез.
Әлеге массаны 12 сәгать төнәтегез. Берничә тапкыр төнәтү күркәләргә сироп яхшылап сеңсен өчен кирәк.
Соңгы тапкыр кайнатманы ярты сәгать дәвамында кайнатыгыз. Бу этапта кайнатма кызылсу төскә керә. Әзер кайнатманы банкаларга тутырыгыз, диелә хәбәрдә.