Мәскәү өлкәсендә 7 ел элек ике кешене үтерүдә шикләнелүче ир-атны тотканнар. Бу турыда «Вести» каналы хәбәр итте.
Дмитров округының Телешев авылында 2016 елның 25 сентябрендә әнисе белән нәни кызы мәете табылган.
Тикшерү версиясе буенча, 1976 елда туган ир-ат таныш хатыны белән талаша. Аннары ул хатынны һәм аның 7 яшьлек кызын травматик пистолеттан атып үтерә. Мәетләрне бакчада күмеп куя, үзе кача. Балалы хатын югалу турында полициягә туганнары мөрәҗәгать итә.
Ир-атны федераль эзләүгә бирәләр. Аны быел 21 апрельдә генә тапканнар. Ир-ат гаебен таныган, җинаять турында тәфсилләп сөйләп биргән. Хәзер тикшерү эшләре бара, диелә хәбәрдә.
РЕН ТВ белешмәсе буенча, әлеге җинаятьтә шикләнелүче ир-атның хатыны да катнашкан булуы ихтимал. Хатын ирен сөяркәсе белән тота һәм талаш чыгара. Шуннан соң ир сөяркәсен дә, аның баласын да үтерә, ә хатынын исә ярдәм итәргә сорый. Балалы хатын юкка чыккач, аның сөяркәсеннән шикләнә башлыйлар. Бу ир-ат та элемтәгә чыгудан туктый. Аны 2023 елның 21 апрелендә генә тоталар. Хәзер бу кешене гомерлеккә ирегеннән мәхрүм итүләре ихтимал, диелә хәбәрдә.