Чаллы мэры Наил Мәһдиев шәһәрдә электросамокатлар турында сорауга җавап бирде. Бу турыда «Татар-информ» хәбәр итте.
«Тагын бер тапкыр кабатлыйм: әлегә инфраструктура юк. Башта инфраструктура ясарга кирәк. Башта карар кабул итеп, самокатларны урамга чыгарырга да ничек буласын карарга түгел. Күңелсез килеп чыгачак», – ди мэр. Бу турыда шәһәр мэриясенең телеграм-каналында хәбәр иткәннәр.
Сорау бирүче журналистка мөрәҗәгать итеп, мэр болай дип өсти: «Сез үз балагызны электросамокатка куярга әзерме? Мин – юк. Минем 16 яшьлек оныгым бар, буе 192 см чамасы, мин аны тыйдым. Минем запас оныгым юк».
Шәһәр мэры моңа кадәр дә электросамокатларга каршы фикерен әйткән иде. Аның сүзләренчә, алар олылар өчен дә, балалар өчен дә куркыныч.
