Наан рецепты
ТНВ телеканалы журналисты, хәзер Австралиядә яшәүче Финзия Газизовадан төрки халыклар ипие - наан рецептын тәкъдим итәбез.
Рецепт өчен: 450-500 грамм он, стакан ярым җылымса сөт, 2 аш кашыгы чүпрә, 2 аш кашыгы сыек май, 1 аш кашыгы шикәр, чеметем тоз, 1 йомырка, ак һәм кара көнҗет орлыгы.
Камыр ясап, җылы урынга бер сәгатькә кабарырга куярга. Уртача шарлар ясап, әз генә җәеп җибәрергә, уртасына чокыр ясарга, анда чәнечке яки үзенең тимере белән бизәк ясарга. Аннары тастымал белән каплап, 40 минутка кабарырга куярга.
Мичкә куяр алдыннан, камырны сөт белән майларга һәм өстенә ак белән кара көнҗет орлыгын сибәргә. 180-200 градуска кадәр кызган мичтә 15-20 минут пешерергә кирәк.
