Самара өлкәсенең Похвистнево районындагы Кротовка авылында бер кыз балага котырган мәче ташланган. Бу турыда «Вести» каналы хәбәр итте.
9 яшьлек бала кунакка килә һәм өйдә яши торган мәче белән уйный. Шул чакта мәче баланы тешли. Икенче көнне бу мәче үлә. Ветеринарлар тиешле анализлар ясагач, мәчедә котыру авыруы булуын ачыклый. Хәзер балага прививкалар курсы ясыйлар.
Россельхознадзор мәгълүматы буенча, хәзерге вакытта бу авыл җирлеге территориясендә котыру авыру буенча карантин кертелгән. Куркыныч хайваннарны барлыйлар һәм тиешле чараларын күрәләр.
26 майда мода охшаш вакыйга Похвистнево районында була инде. Хуҗасына ташланган мәче котыру авыруы иярткән булып чыккан.
