Нәни кыз Тямаевка мәхәббәт аңлата - кызык видео
Концертны караган кешеләр икенче көнне дә айный алмаган.
Яр Чаллыда Фирдүс Тямаев концерты вакытында сәхнәгә нәни кызчык чыккан. Бала җырчыга чәчәк бүләк итә. Шуннан соң кыз микрофонны тотып «Тямай, я тебя просто люблю», ди. Бала сүзен әйтеп бетерә дә, кырт борылып сәхнәдән төшеп тә китә. Тамашачылар гөрләтеп көлешеп, алкышлап кала.
Бу видеоны Фирдүс Тямаев инстаграмдагы сәхифәсендә күрсәтте.
Инстачылар да концерт турында фикерләрен язып калдырган. «Сезнең концертта беренче тапкыр булдым. Кичә Яр Чаллыда. Нык ошады. Рәхәтләнеп ял иттек. Тямай сез просто „Зверь“», дип яза бер тамашачы. «Яратмыйча никак шул сине», «Бу супер, мин әле дә кичәге концерттан айный алмыйм», диләр.
