Нәни бала каршында әтисе әнисен кыйнап ташлаган
Өч яшьлек бала әнисен имгәткәнне күреп торган.
Башкортстанның Стәрлетамак шәһәрендә 33 яшьлек хатынны ире кыйнап ташлаган. Бу хәлне нәни бала карап торган. Әлеге фаҗига турында «Башинформ» агентлыгы хәбәр итте.
29 октябрьдә хастаханәгә кыйналган хатын килүе турында полициягә хәбәр иткәннәр. Эчке эшләр министрлыгы мәгълүматы буенча, ике көн алдан бу хатын элек бергә яшәгән ире белән очрашкан. Ир өч яшьлек баласы белән күрешер өчен килгән булган.
Очрашкач, әти белән әни талаша башлый. Нәни бала каршында ир хатынын кыйнап ташлый. Эче бик авыртса да, хатын табибларга бармый. Ләкин соңрак авыртуга чыдый алмаган хатын хастаханәгә килә. Табиблар аның эчке органнары имгәнүен ачыклый.
Полиция хезмәткәрләре 33 яшьлек ирне тоткарлаган. Ул гаебен таныган. Аңа карата җинаять эше ачылган.