Нәни бала бензин эчеп үлгән
Уайт-спирит эчкән баланы хастаханәгә китергәнә, ул клиник үлем халәтендә була.
Дагыстандагы Кизляр шәһәрендә яшь ярымлык бала бензин эчкән һәм вафат булган. Бу турыда «Комсомольская правда» хәбәр итте.
Сабыйның үңәче бик каты итеп пешкән. Аннары йөрәк-кан тамырлары һәм сулыш алу системасына зур зыян килгән.
Бик каты химик агулану булган баланы хастаханәгә алып килгәннәр. Сабый уайт-спирит — эреткеч бензин эчкән, дип хәбәр иткәннәр Сәламәтлек саклау министрлыгында.
Хастаханәгә китергәндә бала клиник үлем халәтендә була. Реанимация чаралары үткәрүгә карамастан, кызганычка каршы, бала үлә, диелә бу хәбәрдә.