Мухинның хәзерге хатыны Дилә Нигъмәтуллина кызы белән нинди мөнәсәбәттә булуын әйткән
![Мухинның хәзерге хатыны Дилә Нигъмәтуллина кызы белән нинди мөнәсәбәттә булуын әйткән](https://intertat.tatar/resize/shd/images/uploads/news/2024/7/18/b9275c87b5ee7f15b2d301f2c24e0048.jpg)
Татар эстрадасындагы бик күп җырларның аранжировкасын эшләүче музыкант Марат Мухинның хатыны Гөлия Вәлиәхмәтова иренең беренче никахында туган баласы белән яхшы мөнәсәбәтләрдә булуын сөйләгән. Исегезгә төшереп үтик, Марат Мухин белән җырчы Дилә Нигъмәтуллиналарның Сәфинә исемле кызлары бар.
«Маратның беренче никахыннан туган баласы белән мөнәсәбәтләрегез яхшымы?» – дип сораганнар Гөлиядән социаль челтәрдә.
«Мин аңа бик яхшы мөнәсәбәттә. Кызыма аларның бертуган булуларын, бергә булырга, аралашырга, күрешергә кирәк икәне турында әйтеп торам. Мин аны бездә күрүемә һәрчак бик шат! Амира аны бик нык ярата. Сәфинә безгә бик еш кунакка килә, сторисларда гына күрсәтмим», – дип җавап биргән Гөлия Вәлиәхмәтова.