Табиб сүзләренчә, мунча себеркесен – миллекне төрле агач ботакларыннан ясау файдалы. Бу турыда «Челнинские известия» яза.
Мунча метаболизмны – матдәләр алмашын яхшырта, иммунитетны ныгыта, тирене яшәртә, нерв системасы эшчәнлеген яхшырта. Доктор Владимир Эни-Олорунда мунча себеркесенең файдасы турында аңлаткан.
Каен себеркесе биттәге бетчәләрне бетерә, токсиннарны һәм шлакларны чыгара, бронхлар авыртканда файдалы.
Имән себеркесе майлы тиреле кешеләргә файдалы. Андагы эфир майлары тән тиресен эластик итә, ялтырауны бетерә. Имән себеркесенең бактерицид үзлекләре дә бар.
Юкә себеркесе тир кудыру үзлегенә ия, С витаминына бай, иммунитетны ныгыта, ялкынсынуга каршы көрәшә.
Усак себеркесе салкын тиеп авырганда файдалы, бактерицид үзлеккә ия.