Татарстанда узган төндә рэп җырчы, 32 яшьлек Альбина Сәфәрова юл һәлакәтендә үлде. Ул дусты белән авариягә очраган, кыз мотоцикл пассажиры булган. Бу турыда «Комсомольская правда» яза.
Альбина Сәфәрова 10 ел чамасы элек социаль челтәрләрдә роликлары белән дан казана. «Дилер» дигән соңгы трегы быел мартта чыккан. Яңа композицияне тамашачылар хуплап каршы алган.
Хәзер Альбинаны үлеме күпләрне тетрәндерде.
«Ышанып булмый», «Легенда, тыныч йокла», «Авыр туфрагың җиңел булсын», «Мәңге истә калырсың», – дип язалар.
Альбинаның сәхифәсенә 55 мең чамасы кеше язылган.
«Татар-информ» хәбәр иткәнчә, авария төнлә Казанның Совет районында АЗС янында, Нагорный бистәсе белән Дәрвишләр торак массивы арасында Тынычлык урамында булган. Opel автомобиле йөртүчесе ике тоташ сызык аша ягулык станциясенә борылырга булган һәм Suzuki мотоциклы белән бәрелешкән.
Мотоцикл йөртүчесе исән калган, ә пассажиры үлгән, диелә хәбәрдә.