Мөслим студентлары Лисичанскида яшәүчеләр өчен мич ясый
Салкын кышларда туңмасыннар дип, студент егетләр үз куллары белән мич ясыйлар.
Мөслим район башлыгы Альберт Хуҗин «ВКонтакте» челтәрендә үз битендә Мөслим политехника техникумы студентлары белән горурлануы турында яза.
Мөслим районы башлыгы Альберт Хуҗин
Фото: © Мөслим муниципаль район сайты
Техникумда эретеп ябыштыручы һөнәрен үзләштерүче егетләр Луганск Халык Республикасының Лисичанск шәһәре халкына ярдәм әзерлиләр. Салкын кышларда туңмасыннар дип, егетләр үз куллары белән мич ясыйлар.
Мөслим политехника студентлары мич ясый
Фото: © Вконтакте
«Тормыш табигате – бүлешү. Яктылык, су, җылылык, ризык – боларның барсын безгә табигать бирә. Без ни белән дә булса уртаклашканда, безнең күңелдә шатлык барлыкка килә. Безнең Мөслим политехник техникумы студентлары шулай ук өйрәнгәннәре белән уртаклашырга һәм Лисичанск халкына җылылык бүләк итәргә булдылар. Алар үз куллары белән 10 мич ясыйлар. Балаларыбыз – безнең горурлыгыбыз!» – дип яза Мөслим район башлыгы.
