Мөселманнарга алкогольсез сыра эчәргә ярыймы? Бу сорауга социаль челтәрдәге «Сорау – җавап» сәхифәсендә Рамил хәзрәт Юнысов болай дип җавап бирә:
«Аның хәләл икәненә ышанып бетмим. Игътибар итегез, кайбер банкаларга зур хәрефләр белән «алкогольсез» дип язалар. Ә банканың икенче ягында вак хәрефләр белән 0,5 %ка кадәр спирт булуы әйтелә.
Ул хәләл булган очракта да, сез аны ни өчен кулланасыз? Сыра эчүчеләргә тиңләшү яки элекке вакытларыгызны искә төшерү өченме? Башкаларга начар үрнәк күрсәтү ихтималы булуны да истә тотыгыз. Кемдер моны (яшүсмерләр, балалар, өлкәннәр) «тыелганны рөхсәт итү» дип кабул итәргә мөмкин».
