Җырчы Марат Яруллинның «Миңа нишләргә» дигән җырына клибы чыкты.
«Премьера. «Миңа нишләргә». Ютуб каналда тулы версиясен карый аласыз. Сценарий авторы һәм режиссер – Марсель Мәхмүтов. Оператор – Марат Мөдәрисов. Төп рольләрдә – Раяна һәм Айзат», – дип, аларның һәрберсенә сылтама калдырган Марат социаль челтәрдәге сәхифәсендә.
Клипны караучыларның күбесе: «Шә-ә-ә-п!», «Ва-а-ау!», «Супер», «Афәрин!» – дип соклануын белдергәннәр.
«Клибның идеясе әйбәт. Тик ахыры күңелсез тәмамлана. Актрисаның көлүе бик ясалма», «Моңсу бетә», «Кыскасы, клип шәп һәм мин аның трилогия булуын теләр идем. Дәвамын көтәбез. Имеш, алар үскәннәр һәм башкалар...», «2нче өлеш «просится», «Күптән күңелгә үтеп керерлек клип күргән юк иде», «Эх, авыл атмосферасы...» – дип язучылар да булган.
Исегезгә төшерәбез, әлеге җырның көен – Рим Шәрифуллин, сүзләрен Рим Шәрифуллин һәм Миләүшә Әфләтунова иҗат иткәннәр.