Җырчы Мөнир Рахмаев бу көннәрдә гаиләсе белән диңгез буенда ал итә. Ялдан алар социаль челтәрләргә «кайнар» фотолар да кертә. Күрәсең, яшь гаиләнең ярымшәрә төшкән сурәтләре барлык язылучыларына да ошамый, тискәре комментарийлар язучылар байтак икән. Мөнир аларга үз сүзен болай дип җиткергән.
– Аллага шөкер, гаиләм белән бергә үткәрергә буш атнам булды. Гаилә белән ял итәбез. Монда гаҗәеп атмосфера... Сүз уңаеннан, бер момент турында язып китәм, чөнки дәшми кала алмыйм! Барлык «подписчик»ларыма да кагылмый бу, ә кайберләренә генә.
Безнең гаиләбезне мәсхәрәләп нәрсә генә язмыйлар. Ул комментарийларны бетерергә, кайбер кешеләрне «блокировать» итәргә туры килә. Чөнки ялыбызны «негатив» белән бозасым килми. Дөресен әйткәндә, безнең турында нәрсә сөйләсәләр, язсалар да – безгә барыбер инде. Ләкин кайбер «особа»лар бездә аеруча шок тудыра!
Мин үзем беркайчан да беркемгә дә начарлык теләмим һәм сезгә дә шуны киңәш итәм. Белмим, нишләп шулай, ләкин, кешеләр, тормышка җиңелрәк карагыз әле! Бер генә яшибез бит! Һәр мизгелнең, яшьлекнең кадерен белегез! Узган гомерне дә, яшь вакытны да киредән кайтарып булмый. Бүгенге көннең кадерен белеп яшәгез, хатыным белән безнең кебек. Тормышыгызда уңышлар, сезгә һәм сезнең якыннарыгызга нык сәламәтлек телим. Язмагыз безгә теләсә нәрсәләр! Алайса миңа сезне «блокировать» итәргә туры килә. Күзгә карап әйтә алмыйлар, язырга дисәң, ирек кенә бит! Мин тискәре комментарийларга болай да игътибар итмәскә тырышам, ләкин хәзер дәшми кала алмыйм. Үзегезне, якыннарыгызны яратыгыз, шул чагында сезгә дә тартылырлар.
Аңлыйм, безнең ялда төшкә фотолар кайберәүләрнең ачуын чыгара. Мондагы табигатьнең бар матурлыгын, мондагы тормышны гына күрсәтәсе килә бары. Ялның рәхәтен. Тормыш шулай корылган, күрәсең, кешеләр башкаларның уңышларына, шатлыгына беркайчан да шатланмый икән, – дигән Мөнир.
Әлеге «пост»ы астында җырчы белән килешкәннәр. «Кешеләр сездән көнләшә», «Кеше бәхетенә кеше шатланмый хәзер», «Кеше сүзләрен игътибар итмәгез», «Башкаларны белмим, ләкин мин сезнең гаиләгезне бик яратып күзәтеп барам», – ише комментарийлар калдырганнар.
Сүз шушы «Вконтакте»га куелган фото турында бара, дип уйларга кирәктер.
Бу исә Мөнир Рахмаевның сайтка куярга яраклы дип табылган фотосы:
Фото: Мөнир Рахмаевның шәхси аккаунтыннан