Мисырның популяр курортында, Израиль белән чиктән ерак түгел Таба шәһәрендә снаряд төшкән. Бу хакта «Точка» сайты яза. Ракета административ бинага төшеп шартлаган, шулай ук якындагы торак йортларга да зыян килгән.
Соңгы мәгълүматлар буенча, 6 кеше яраланган, аларга медицина ярдәме күрсәтелгән.
Хәрби снарядның Израильнең зур порты урнашкан Эйлата шәһәренә җибәрелгән булуы билгеле.
Фаҗига урынына Мисырның экстрен хезмәтләре килгән, ә ил хакимияте тикшерү башлаган. Әлегә ракетаны кем җибәрүе турында ышанычлы мәгълүмат юк. Басма чыганагы ышандырганча, Каһирә җавап бирү хокукын үзендә калдыра, шулай ук ракетаны идентификацияләргә һәм саклану чаралары эшләргә җыена.
Израиль һәм Палестина арасында хәрби конфликт яңа көч белән башланып китте. Күп кенә авиакомпанияләр төбәк өстеннән очышларны туктатты. Мисырда туристлар арасында популяр булган курортларның күбесе Израильдән ерак урнашкан. Әмма илләр чиктәш һәм шуңа күрә кешеләр монда ялга килергә куркырга мөмкин.
Мисыр бу конфликтта катнашмый, киресенчә, бу каршылык курортларга туристларны җәлеп итүгә комачауламасын өчен, аны җайга салу яклы. Моннан тыш, ике ил чигендә хәлләр тыныч, ә туристлар арасында популяр булган күп урыннар Израиль чигеннән ерак урнашкан, дип яза басма.