«Мисс Татарстан»: купальниклы кызлар сәхнәгә чыкканда Дәрдмәнд шигыренә җыр яңгырый
Бүген «Мисс-Татарстан» бәйгесе уза.
Конкурсны күзәтеп баручылар беләдер: бәйге вакытында кызлар купальник белән дә сәхнәгә чыга. Бу — конкурсның мәҗбүри шартларының берсе.
Быелгы «Мисс Татарстан» бәйгесендә катнашучылар купальниктан җырчы Зәринә Вилданова башкаруында Дәрдемәнднең «Кораб» җырына чыкты.
Дәрдмәнд (Закир Рәмиев — 1859-1921) — татар халкының иң мәшһүр шагыйрьләренең берсе. «Караб» — аның иң танылган шигырьләренең берсе. Бу шигырьдә шагыйрь ил язмышын сурәтли һәм милләт өчен тирән борчылуын белдерә.
