Башкортстанның Мишкә районында юл һәлакәтендә ике хатын-кыз үлгән, тагын өч кеше имгәнгән. Бу турыда ЮХИДИга сылтама белән «Башинформ» хәбәр итте.
Фаҗига 23 майда кичке дүртләр тирәсендә Бөре-Тастүбә-Саткы юлында була. Биредә «Лада Веста» машинасы каршыга килә торган «ВАЗ-2110» белән бәрелешә.
«Десятка» белән идарә итә торган хатын-кыз һәм аның белән бара торган пассажир хатын-кыз урында ук үлә. Бу машин салонындагы тагын бер хатын-кыз имгәнә.
«Веста» машинасының йөртүчесе һәм аның пассажирын да хастаханәгә озаталар.
Тикшерү эшләре бара, диелә хәбәрдә.
