Мишә елгасында 45 яшьлек ир батып үлгән
Саба районында коткаручылар Мишә елгасыннан ир-ат гәүдәсен чыгарган, дип хәбәр иткәннәр “Татар-информ” мәгълүмат агентлыгына Россия Гадәттән тыш хәлләр министрлыгының Татарстан буенча Дәүләт идарәсе матбугат хезмәте.
![Мишә елгасында 45 яшьлек ир батып үлгән](https://intertat.tatar/resize/shd/images/uploads/news/2017/7/5/8efadbb52f964de65bb059cd2fee54cfda5c2df5b1eaafa5c6eaeb5fd48b.jpg)
Бу хәл кичә кич Кече Шыңар авылында була. 18 сәгать 55 минутта ашыгыч хезмәтләрне чакыру буенча 112 номерына Кече Шыңардагы фаҗига турында хәбәр килә. 45 яшьлек ир-ат Мишәгә сикерә һәм бата. Полиция хезмәткәрләре, 4 нче эзләү-коткару отряды вәкилләре һәм Саба янгын-коткару гарнизоны оператив төркеме хезмәткәрләре кичекмәстән вакыйга булган урынга юнәлә.
![](/resize/750/images/uploads/news/2019/11/17/495b7dd169e73a101c2cdeeaade8f4d15118fea489b0b7192a380f8245ce.jpg)
Сәгать кичке 9да ярдан берничә метр ераклыкта, 3 метр тирәнлектән коткаручылар ир-атның үле гәүдәсен табып чыгаралар. Фаҗиганең сәбәпләре ачыклана.
![](/resize/750/images/uploads/news/2019/11/17/87c6dd43024e0b740d35579cf2deedb44f5757cc84bfffe6e42d86b1909e.jpg)