"Мираж" төркеме җырчысы пластик операцияләр турында сөйләгәндә елап җибәргән

Наталья Ветлицкая күп авырлыклар күрүен һәм физик авыртуны инде бүтән кичерә алмавын әйтте. Пластик операция һәм инъекцион косметология турында сүз чыккач ул "Мин физик авыртуны күтәрә алмыйм. Яшь чагымда мин сабыр, түзем идем. Хәзер инде түзә алмасымны аңлыйм. Мин шулкадәр күп газап кичердем, хәзер кичерәсем килми", - ди. Шушы сүзләрне әйткәч, ул елап җибәрә һәм үзен төшермәүләрен сорый. Тапшыруны алып баручы Андрей Малахов аны каплый һәм тынычланганын көтә.

"Миңа үзең булып кал диделәр. Мин ясалмалана, уйный алмыйм", - ди Ветлицкая.

Ул 1997 елларда ук тормышында бушлык кичерә башлавын әйтә. "Мин үземне 90 яшьле әби итеп хис итәм. Һәр адым миңа авыр ди", - ди ул. Ветлицкая әйтүенчә, акча да, танылу да аның шәхси тормышын бизи алмаган.

"Мәхәббәт тә, карьера да бар, ә син бәхетсез. Читтән килгән әйбер сине бәхетле итә алмый. Проблема үземдә - минем эчемдә бушлык, сагыш, канәгатьсезлек. Хәтта бала тугач та мин бәхетле булмадым. Мин нәрсәдер үзгәрер дигән идем, барып чыкмады".